Калектыўную скаргу накіравалі жыхары Заходняй на дзеянні мясцовага жыхара, які ўтрымлівае статак козаў у некалькі дзесяткаў галоў. Жывёлы пасвяцца па ўсім раёне і не рэдка ахвярамі звярынага апетыту становяцца маладыя саджанцы. Церпяць як саджанцы ў суседнім лесе, так і маладыя дрэўцы ды кусты высоджваемыя жыхарамі раёну. Цярпенне суседзяў лопнула, калі козы пачалі аб'ядаць высаджаную восенню вялікую алею ўздоўж вуліцы Станцыённая. Пакрыўджаныя суседзі скіравалі ў выканкам калектыўную скаргу.
Але прыцягнуць пастуха-самавучку да адказнасці не атрымалася. Камунгас увогуле не выставіў прэтэнзій да гаспадара статку, а адміністратыўная камісія не мае паўнамоцтваў пакараць грамадзяніна па гэтым артыкуле без суда. Супрацоўнікі выканкаму параілі пры выяўленні чарговага факту выпаса козаў у неадпаведным месцы, звяртацца ў міліцыі, каб супрацоўнікі унутраных спраў склалі на парушальніка адміністратыўны пратакол і толькі потым гэтыя справа можа перайсці ў суд.
