Ліст з нямецкага адрасу электроннай пошты цытуем цалкам:
"Уважаемая редакция,
Недавно в списках жертв политического террора в СССР нашел фамилию отца моей жены- Младзинского Евгения Николаевича. О судьбе его долгое время не было известно. Только годы спустя супруге прислали сообщение что Младзинский Е.Н. Был осужден, расстрелян и в 1957 году реабилитирован. Где, Когда - никаких сведений. И вот сейчас есть информация , что он похоронен в Орше. Есть ли возможность узнать место захоронения?
С уважением
Томас Шмаев"
Супрацоўнікі рэдакцыі звярнуліся да краязнаўчай секцыі АМГА "Звяз". Сябры арганізацыі таксама змаглі знайсці кароткую інфармацыю пра Яўгена Мікалаевіча:
"Младзінскі Яўген Мікалаевіч, нарадзіўся ў 1909 у г. Орша, паляк, са службоўцаў, пачатковая адукацыя, начальнік гаспадарчай часткі Аршанскага мясакамбінату Оршы. Арыштаваны 1937.10.28. Асуджаны 1937.11.09 пастановай НКВД СССР і Пракурора СССР за шпіёнскую дзейнасьць паводле артыкула 68 Крымінальнага Кодэксу БССР да растрэлу. Расстраляны ў Аршанскай турме 1937.11.26. У 1957 17 снежня справа пераглядалася Вайсковым Трыбуналам Беларускай Вайсковай Акругі. УКГБ Віцебскай вобл. нумар справы 6951-п".
З дадзенага кароткага паведамлення бачна месца растрэлу, але не бачна месца пахавання. У гэтыя часы Аршанская турма знаходзілася ў сёняшнім Езуіцкім калегіюме. У такім выпадку можна дапускаць, што і астанкі Яўгена Мікалаевіча будуць знаходзіцца да гэтае пары на тэрыторыі калегіюма - перазахаванняў не праводзілася. Апошні раз пахаванні часоў Сталінскіх рэпрэсіяў тут былі выяўлены ў 2008 годзе пад час падрыхтоўкі да Дажынак, у тым месцы дзе зараз на лета ставіцца палатка-кавярня. Але і ў іншых месцах комплексу ёсць пахаванні растраляных.
Увогуле па Аршанскім раёне шмат месцаў растрэлаў ахвяраў Сталінскіх рэпрэсій, але сумніўна, што пасля растрэлу целы кудысці вывозіліся, таму найбольш верагоднае месца пахавання Младзінскага будзе на тэрыторыі калегіюма.
