Раней мы пісалі, што пад час будаўніцтва дарогі, якая злучыла выезд з вуліцы Шклоўскай на Барань і раён Заходняя будаўнікі дзеля эканоміі выкарысталі пясок з былога кар'ера - возера Шчацінкаўскае. З'эканоміўшы такім чынам, дарожнікі цалкам знішчылі пясчаны пляж на якім у летні перыяд адпачывае значная колькасць жыхароў гораду.
13 чысла да возера была падвезена будаўнічая тэхніка і бліжэй да абеду экскаватар пачаў засыпаць вырыты дарожнікамі катлаван новым пяском, які браўся з вяршыні пляжу. Такім чынам, акрамя таго, што пляж будзе адноўлены, ён стане яшчэ і шырэй са свежым, адпаведна, больш чыстым пяском.
