19 мая міліцыянты завіталі ў прыватны дом 25-гадовага жыхара Оршы. Як высветлілася, у сваім доме малады чалавек абсталяваў асобны пакой дзе вырошчваў канаплю для вырабу наркатычных рэчываў. У выніку ў руках у следчых аказалася лабараторнае абсталяванне: вентылятары, лямпы, фільтры для ачысткі паветра, самаробная сістэма арашэння, прылады для кантролю тэмпературы. Акрамя таго з лабараторыі канфіскаваныя 9 кустоў канаплі і 30 грамаў высушанай марыхуаны. Заведзена крымінальная справа за незаконны выраб наркотыкаў, следства працягваецца.
Фота са старонкі следчага камітэта "Укантакце"
