06:00

+12

1 м/с

1004 гПа

09:00

+14

1 м/с

1004 гПа

12:00

+18

1 м/с

1004 гПа

15:00

+23

2 м/с

1004 гПа

18:00

+23

2 м/с

1003 гПа

Орша, Грамадства

Лятучы Патрык

14.07.2015 21:06

7765 праглядаў, 3 каментара

Птушаня зязюлі пасялілася ў доме свайго выратавальніка

Аляксандар працуе ў падраздзяленні беларускай чыгункі якое займаецца высечкай і высадкай дрэваў уздоўж чыгуначнага палатна. Тыдзень таму, паваліўшы чарговае дрэва, ў яго галінках Аляксандар пачуў жаласлівы піск - на зямлі пішчаў маленечкі камок пуха. Інтэрнэт падказаў - гэта птушаня зязюлі. Хаця многія лічаць зязюлю шкоднай птушкай з-за таго што яна падкідвае сваіх птушанят у чужыя гнёзды, а тыя забіваюць "прыёмных братоў", малое так жаласліва пішчала, што Аляксандар вырашыў выратаваць птушку.

Вось ужо тыдзень птушаня, якога назвалі Патрык, жыве ў хаце свайго выратавальніка. За тыдзень Патрык навучыўся хадзіць (да тае пары толькі сядзеў), значна вырас, замест пуха ў яго пачалі з'яўляцца паўнавартасныя пер'і, паступова вырастае хвост. Калі першыя дні птушка жыла толькі ў двух рэжымах - прасіў есці або спаў, то цяпер ён асмялеў і не рэдка вылазіць з каробкі, каб прагуляцца па хаце. Патрык адрознівае чалавечыя галасы і калі Аляксандар вяртаецца з прыцы, птушка выскоквае з каробкі, каб ісці насустрач выратавальніку.

Жыццё не з сабе падобнымі, а з чалавекам прымушае птушку сталець раней. Аляксандар час ад часу падківае птушаня, каб той трэніраваўся лётаць - у дзікай прыродзе зязюлі пачынаюць лётаць пазней. Да таго ж, каб прагуляцца па падлозе, а не сядзець у імправізаваным гнядзе на лядоўні, Патрыку і самому даводзіцца злятаць і махаць крыламі. Паступова Патрык вучыцца і самастойна есці - у прыродзе зязюлі доўга эксплуатуюць прыёмных бацькоў і, нават, калі пачынаюць есці самі, то ўсё адно яшчэ доўга прымаюць ежу з дзюбаў старэйшых. Але Патрык ужо спрабуе самастойна дзёўбаць ягады - белую маліну і белую земляніку - хаця атрымліваецца гэта кепска і каб накарміць гаспадару даводзіцца класці ежу птушаню ў дзюбку. Акрамя чарвякоў, камароў з мухамі і вусеняў, Патрык нармальна есць амаль усё што яму даюць: маленькія макароны, хлеб, печыва, ягады, смаўжоў ды інш. Адзінае што птушцы зусім не спадабалася - сланечнікавыя семкі. Калі яго паспрабавалі карміць купленымі смажанымі семкамі, то Патрык даверліва з'еў іх, але праз некалькі хвілін адрыгнуў ды выплюнуў усе семкі, пры гэтым, пакінуўшы ў зобе астатнюю ежу.

Пражыванне з дзікай птушкай дае не толькі радасць, але і праблемы: Патрыка не магчыма прывучыць да прыбіральні і пасля яго прагулак па дому, даводзіцца прыбіраць. Каб меньш займацца прыборкай дома, Аляксандар выгульвае Патрыка ў двары - птушка давярае выратавальніку і спакойна сядзіць у яго на плячах, руках, гуляе па зямлі не адыходзячы далёка ад гаспадара. І не рэдка пасля ежы засынае ў далонях Аляксандра дзе яму цёпла і ўтульна. Другая праблема - птушкі прачынаюцца рана і з узыходам сонца Патрык пачынае пішчаць - просіць есці, хаця гаспадар яшчэ б з задавальненнем паспаў.

Хаця за тыдзень Аляксандар і Патрык моцна прывязаліся адзін да аднаго, рабіць з яго хатнюю жывёлу гаспадар не збіраецца. Праз некалькі тыдняў Патрык навучыцца паўнавартасна лётаць і трымаць яго ў хаце гвалтоўна не плануецца - дзікая птушка павінна жыць у дзікай прыродзе, але калі дарослая зязюля захоча застацца са сваім выратавальнікам, то і выганяць з хаты яго таксама не будуць.

Дарэчы, у прыродзе зязюля падкідвае яйкі менавіта ў тую птушыную сям'ю ў якой вырасла сама.

А тое што зязюля шкодная - кепскі стэрэатып. Дарослая птушка з'ядае больш насякомых-шкоднікаў чым тыя каго яна выкідае з гнязда сваіх прыёмных бацькоў. А некаторых шкоднікаў увогуле паядае толькі зязюля.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Лятучы Патрык

Птушаня зязюлі пасялілася ў доме свайго выратавальніка

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение