Завяршылася расследаванне абставінаў нашумелай справы аб ампутацыі рукі 11-гадоваму хлопыку, якое ішло цэлы год. Прэс-служба Следчага камітэта па Віцебскай вобласці паведамляе, што канчатковы вердыкт следства: менавіта памылкі доктара Дубровенскай раённай цэнтральнай бальніцы прывялі да ампутацыі лева рукі хлопыка з аграгарадка Якубава. Матэрыялы з абвінавачваннем хірурга перададзены ў пракуратуру, цяпер імі зоймецца суд. Афіцыйны прадстаўнік Упраўлення Следчага камітэта па Віцебскай вобласці Іна Гарбачова паведаміла:

Следства прыйшло да высновы, што медыцынскі работнік неналежным чынам выканаў свае прафесійныя абавязкі з прычыны нядбайнага і нядобрасумленнага стаўлення да іх. Недахопы, дапушчаныя лекарам-хірургам пры аказанні медыцынскай дапамогі, і наступствы ў выглядзе ампутацыі левай рукі знаходзяцца ў прамой прычынна-следчай сувязі.

Канчатковае абвінавачванне хірургу прад'яўлена па ч.1 ст.162 Крымінальнага кодэкса (неналежнае выкананне прафесійных абавязкаў медыцынскім работнікам, што пацягнула прычыненне пацыенту па неасцярожнасці цяжкага цялеснага пашкоджання). Максімальнае пакаранне па дадзеным артыкуле - абмежаванне волі тэрмінам да 2 гадоў. Падрабязней пра сітуацыю, якая адбылася яшчэ год таму, чытайце тут.