Сутнасць справы такая. У апошнія дні жніўня ў вёску прыехаў КамАЗ, з якога выйшлі двое жанчын з нейкімі паперамі ў руках. Кіроўца КамАЗа пагрузіў два смеццевых кантэйнера, у якія жыхары вёскі складвалі смецце, і з'ехаў. Мясцовага жыхара, які паспрабаваў высветліць, з якой прычыны прыбіраюць кантэйнеры, абклалі адборным матам.
Спачатку жыхары падумалі, што бакі прыбрала Аршанская Спецаўтабаза. Аднак працаўнікі гэтага прадпрыемства ў гэтым не прызнаюцца. У выніку, жыхары Стаўроў напісалі заяву ў міліцыю з просьбай разабрацца, хто здзейсніў крадзеж і прыцягнуць вінаватага да адказнасці.
Як паведаміў нам Старэйшына вёскі Ігар Грышанаў, за апошнія 4 гады з дапамогай усталяваных кантэйнераў было вывезена 40 тон смецця. Калі б сістэма вывазу смецця не працавала, гэтыя 40 тон цяпер бы ляжалі на берагах Куцеенкі ў выглядзе стыхійных звалак.
