Пара маладых людзей пасварылася. Хлопец вырашыў памірыцца з каханай, пакрочыў у лес, дзе на месцы колішніх баёў накапаў болей за кілаграм пораху. А затым сярод начы сябры падвезлі яго да дому дзяўчыны. Там каля пад'езда ён паставіў бочку з рамонкамі, пачаў пісаць фарбамі на асфальце пасланне да каханай. Адзін з жыхароў дома ў той час не спаў і прагнаў хлопца, піша "СБ". Мужчына выклікаў міліцыю, якой і перадаў пакет з порахам, які хлопец збіраўся выкласці пад надпісам у форме сэрца і эфектна падпаліць. Задума не ўдалася - спалоханы хлопец збег ад дому і забыў порах у пад'ездзе.
Вядома, што хлопец з Барані, ён працаваў механізатарам. Абставіны склаліся так, што замест прымірэння і спакойнага жыцця з каханай дзяўчынай, хлопец аддадзены пад суд. Цяпер яму пагражаюць 7 гадоў зняволення за захоўванне выбуховых рэчываў.
