Сур’ёзная аварыя здарылася на скрыжаванні вуліцы Міру з паваротам на Інструментальны завод. Сутыкнуліся легкавыя аўтамабілі БМВ і “Таёта”. У выніку сутыкнення “Таёта” зазнала сур’ёзных пашкоджанняў. На месцы пасажыра ў “Таёце” знаходзілася жанчына састарэлага ўзросту, дастаць якую з салона ўдалося толькі з дапамогай іншых кіроўцаў. Жанчыну дасталі праз пярэднія пасажырскія дзверы. Аўтамабілем кіравала дачка пацярпелай жанчыны. Прыбыўшыя на месца аварыі ўрачы паведамілі, што пацярпелая, верагодна, зламала рэбры і пашкодзіла хрыбет.
Аўтамабілі не здолелі размінуцца, БМВ рухалася з істотным перавышэннем хуткасці. Хуткая дапамога забрала пацярпелую з месца аварыі. Яна некалькі разоў губляла прытомнасць. У бліжэйшы час стануць вядомыя іншыя падрабязнасці буйной аварыі.
