Скрыжаванне вуліцаў Кірава і Савецкай і без таго карыстаецца кепскай славай - шмат светлафораў і дарожных знакаў расстаўлены так, што блытаюць многіх кіроўцаў, выклікаюць нараканні ўдзельнікаў руху і прыводзяць да аварыяў і ў больш простыя дні, што ж казаць пра вечар, калі на скрыжаванні ўтварыліся заторы з-за рамонту на вуліцы Міра.
Без аварыяў, на жаль, не абыйшлося. Відавочцы паведамляюць, прынамсі, пра дзве аварыі на гэтым скрыжаванні вечарам у першы дзень рамонту - 17 лістапада. Адна аварыя была даволі лёгкая і кіроўцы раз'ехаліся, не выклікаючы ДАІ. А другім выпадку ў аварыю патрапіла маршрутнае таксі, якое рухалася па маршруту №20. На скрыжаванні мікрааўтобус сутыкнуўся з легкавушкай, ад чаго абодва аўтамабілі моцна пацярпелі. Відавочцы гавораць і пра чалавечыя траўмы, але падцверджання гэтай інфармацыі мы не атрымалі.
