Аддзел па барацьбе з эканамічнымі злачынствамі ўсталяваў, што 40-гадовая прадавачка адной з крамаў Оршы завышала сумы, прынятыя праз тэрмінал, і ўносіла заведама ілжывыя звесткі ў спецыяльныя дакументы пра рух матэрыяльных сродкаў. У выніку жанчына прысабечыла тавараў на суму звыш 30 тысяч рублёў.
Жанчына была звінавачаная ў растраце і службовым падлогу. Яна асуджана на 5 гадоў з канфіскацыяй маёмасці. Акрамя таго, ёй забаронена займаць пасады, звязаныя з улікам, распараджэннем, захоўваннем і продажам матэрыяльных каштоўнасцяў тэрмінам на 5 гадоў.
