Інтрыга, закручаны сюжэт - усё гэта зноў спадарожнічала гульні "Бітва розумаў". Другую гульню запар шмат апеляцый выклікала апошняе пытанне ўсёй гульні - восьмае пытанне ў туры "бліц". Яно было зададзена пра колькасць мастоў цераз Дняпро, якія бачныя ў Оршы. Правільны адказ быў 4, нягледзячы на тое, што адзін мост знаходзіцца ў Андрэеўшчыне. З Оршы ён бачны, гэта і нарадзіла спрэчкі. У гульні № 7 апеляцыя каманды "Вормс" да пытання пра вятры была прынятая, і яна перамагла. На гэты раз асабліва зацікаўленымі ў падачы апеляцыі былі гульцы "Звяза". Але іх апеляцыя не была задаволена. Пераможцам інтэлектуальнага вечару стала каманда "BY.Лён", на другім месцы "Лаві вавёрку!" з адставаннем у 1 пункт, а "Звяз", які лідзіраваў да бліца, апусціўся на 3-е месца.
