Зводка Міністэрства унутраных спраў паведамляе пра аварыю каля вёскі Зубава, якая адбылася ў нядзелю 4 снежня.
Вечарам а 21-50 жыхар мястэчка Копысь на аўтамабіле УАЗ з'ехаў з дарогі, выляцеў на збочыну і загінуў пасля сутыкнення аўтамабіля з дрэвам. Мужчыну было 28 гадоў.
Зводка абласной міліцыі паведамляе пра шэраг крадзяжоў, якія адбыліся на мінулым тыдні. 3 снежня вопратку, фотаздымач і металічныя абцугі былі выцягнутыя з прыватнага дома ў вёсцы Юрцава. Як папярэдне высветліла следства, падазраваны 21-гадовы мясцовы жыхар залез у хату праз незачыненае вакно на верандзе.
Таксама ў Аршанскім раёне было абкрадзена лецішча - злачынца сарваў навясны замок і скраў з дома бензапілу. А ў Дубровенскім раёне з дому прыватнага прадпрымальніка былі скрадзены грошы ў памеры 300 рублёў.
