Нагадаем, што старэйшына вёскі Стаўры Ігар Грышанаў быў выкліканы ў суд па абвінавачанні ў тым, што публічна абразіў старшыню Бабініцкага сельвыканкаму Марыну Матвееву. Пры гэтым. на судзе супраць Грышанава сведчылі падначаленыя Матвеевай. Адвакат і сам Грышанаў не пагадзіліся з пастановай суда і сталі яго абскарджваць у Віцебскім абласным судзе. Першае абскарджванне прайшло безпаспяхова, абласныя суддзі пагадзіліся з рашэннем аршанскай суддзі Кохавай. Тым не меньш, пройдзены яшчэ не ўсе інстанцыі, і свае 5 базавых (штраф, накладзены судом) Ігар яшчэ будзе абскарджваць, у тым ліку ў Вярхоўным судзе, калі да таго дойдзе справа.
Але службе судовых выканаўцаў не церпіцца атрымаць сродкі. На гэтым тыдні Грышанаву прыйшла павестка з паведамленнем, што судовыя выканаўцы могуць пачаць апісваць яго маёмасць. Пры гэтым, на аргумент, што ён мае яшчэ паўгады на абскарджванне, выканаўцы лаканічна адказалі: "калі абскардзіце, то мы вам маёмасць вернем". У выніку перамоваў, у справе разабраліся і да рашэння вышэйшых судовых інстанцыяў маёмасць старэйшыны вёскі ніхто чапаць не будзе.
