Абодва мужчыны паходзяць з адной вёскі - Сінегорскае Сенненскага раёна. У 7:55 кіроўца 1962 года нараджэння знес на сваёй "Аўдзі" аднавяскоўца 1968 года нараджэння, які рухаўся на ровары. Ад моцнага сутыкнення раварыст загінуў.
У Аршанскім раёне адбыўся крадзеж. Яшчэ 11 снежня кіроўца 1961 года нараджэння напісаў заяву ў міліцыю пра тое, што з вечару 10 снежня па раніцу 11-га невядомы злачынца адціснуў браму і прайшоў у ягоны гараж. Там "нагаспадарыў" настолькі, што знікла бензапіла, электраінструменты, набор ключоў і рэсівер. Матэрыяльная шкода склала 730 беларускіх рублёў. Пачата крымінальная справа па артыкуле 205 частцы 1 Крымінальнага кодэксу Рэспублікі Беларусь.
