11 снежня ў міліцыю звярнуўся непрацуючы 1985 года нараджэння. Ён паведаміў, што з 18 гадзін 10 снежня да 9 гадзін 11 снежня неўсталяваны злачынца разбіў шкло ў ягоным аўтамабілі "Опель-Амега". Аўтамашына знаходзілася побач з домам, дзе пражывае пацярпелы. Злачынца выкраў з аўтамабіля дзіцячае аўтакрэсла і магнітолу. Матэрыяльная шкода склала 115 рублёў. Пачата крымінальная справа па частцы 1 артыкулу 205 Крымінальнага кодэкса Рэспублікі Беларусь. Злодзея шукаюць.
Таксама ў снежні ў Аршанскім раёне "ўскрылі" аўтамабіль "Фольксваген-Джэтта". З гэтай машыны скралі АКБ, электраправодку і прыборную панэль.
