Як высветлілі дзяржкантралёры, парушэнні работы з матэр'яльнымі каштоўнасцямі "Аршанскай цэнтральнай раённай паліклінікі" (так зараз называецца амаль уся сістэма аховы здароўя раёна) доўжыліся не адзін год. Парушэнне таксама ні адно: пачынаючы ад неправільнага вядзення кнігі скрагаў і прапановаў, скончваючы парушэннямі ў выкарыстанні па-за бюджэтных сродкаў.

Кантралёры выявілі неправільнае вядзенне інвентарызацыі: пры па-за планавым пераліку маёмасці было знойдзена 70 неўлічаных раней аб'ектаў коштам у 158 тысяч рублёў. Акрамя медыкаў у парушэннях абвінавацілі і прадстаўнікоў выканаўчай улады - яны кепска пракантралявалі парушаючых медыкаў пры ліквідацыях установаў і аб'яднанні ў адзіную "цэнтральную раённую паліклініку", канкрэтна ў пытанні ўліку дзяржаўнай маёмасці. Высветлілася, што пры здачы ў арэнду памяшканняў "Паліклнікі", медыкі налічвалі завышаную арэндную плату, перш за ўсё гэта тычыцца дзяржаўных аптэкаў, якія размесціліся ў памяшканнях медыцыны - неабгрунтаваны даход, які атрымала медыцына ад здачы ім памяшканняў склаў 9,1 тысяч рублёў. Грошы вернутыя.

Парушэнні былі выяўленыя таксама ў сферы дзяржаўных закупак. Агулам кантралёры налічылі парушэнняў на сумум 96,8 тысяч рублёў - гэта сродкі якія атрымалася з'эканоміць у выніку праверкі. Да дысцыплінарнай адказнасці прыцягнутыя 20 работнікаў "Цэнтральнай паліклінікі", а да адміністратыўнай адказнасці 15 пасадовых асобаў.