У Оршы 13-га чэрвеня 2016 года аршанец 34-гадовы мужчына быў затрыманы за тое што ў п'яным выглядзе збіў сваю сужыцельніцу і ейную маці. Варта адзначыць, што раней ён ужо быў судзімы, у тым ліку, за забойства, якое здзейсніў у падлеткавым узросце. Затрыманне, канешне, п'яному не спадабалася - ён паспрабаваў сыйсці з апорнага пункта міліцыі. Аказаўшы супраціў участковаму, ён усё ж вырваўся на свабоду і паспрабаваў схавацца. Участковы дагнаў яго, дапамогу ў другім затрыманні рашыўся аказаць неабыякавы мінак. Абодва атрымалі нечаканы супраціў - п'яны пачаў іх... кусаць.
Пазней за сваё злачынства мужчына быў пакараны 5-гадовым зняволеннем у калоніі строгага рэжыму. Незвычайнае "зубастае" здарэнне трапіла ў рэйтынг сайту naviny.by смешных і недарэчных злачынстваў, якія адбыліся ў Беларусі ў 2016 годзе.
