У першы месяц вясны праблемы ў сацыяльным жыцці горада працягваліся. Не спыняўся канфлікт паміж рабочымі прадпрыемства "Элект" і адміністрацыяй, а на "Задняпроўскім" узніклі затрымкі заробку. Як дадатак да гэтай сітуацыі, у сакавіку быў затрыманы ўладальнік "Экамола" бізнэсмэн Яўген Баскін.
З іншага боку, у гэтым месяцы ў Оршы адкрыўся цэлы шэраг новых крамаў і адна аптэка. Найбольш значным адкрыццём месяца стала адкрыццё спорткомплекса "Алімпіец". Таксама ў сакавіку на Аршанскай ЦЭЦ усталявалі новую турбіну кампаніі "Сіменс".
Футбольны клуб "Орша" пакуль безпаспяхова пачаў падрыхтоку да новага сезону. Клуб згуляў некалькі таварыскіх матчах, пераважна прайграючы больш моцным супернікам.
Для нашага сайту сакавік адзначыўся новым адкрыццём - мы распачалі відэа онлайн трансляцыі. Першая трансляцыя прайшла з кватэрніка гуртоў "Лепшы квас" і "Амарока".
А найбольш запамінальным і самым, бадай, скандальным здарэннем месяцу стала аварыя на Усходняй, дзе п'яны міліцыянт на машыне збіў школьніцу.
