У Оршы і раёне па-ранейшаму назіраецца немалая колькасць двоень сярод нованароджаных. Ужо за першыя 10 дзён Новага года на свет нарадзіліся 10 двоен. У Аршанскай радзільні на пачатку года нарадзіліся 32 дзіцёнкі. Сёлета парадзіхі будуць атрымліваць адмысловыя пасведчанні з сімвалам горада ў выглядзе глінянага медаля ў гонар 950-годдзя Оршы, а таксама набор па доглядзе за дзіцём, паведамляе "Беларусь 1". Беларускі фонд міру, адміністрацыя Аршанскага раёну і праваслаўная царква Маскоўскага патрыярхату ўручылі радзільні аргтэхніку, а таксама вышэйназваныя падарункі маладым мамам.
Вялікая колькасць нованароджаных двоен фіксавалася, напрыклад, у 2014 годзе.
