Наш сайт раней пісаў пра гэту сітуацыю. Упраўленне Следчага камітэту па Віцебскай вобласці займаецца крымінальнай справай па частцы 2 артыкулу 317, парушэнне правілаў дарожнага руху альбо эксплуатацыі транспартных сродкаў, пацягнуўшае па неасцярожнасці смерць чалавека. 12 лютага каля 2 гадзін ночы 17-гадовы навучэнец аднаго з ліцэяў Віцебшчыны ехаў на аўтамабілі Renault Laguna, які належыць бацькам. Правоў у такім узросце, вядома, у маладзёна не было. На 5-м кіламетры дарогі Н-3104 Аўсянка - Засценкі каля вёскі Якаўлевічы, малады бяспраўнік не справіўся з кіраваннем і выляцеў з дарогі.
Аўтамабіль урэзаўся ў дрэва, у выніку чаго кіроўца і 19-гадовы пасажыр апынуліся ў шпіталях Оршы і Віцебска, дзе на дадзены момант праходзяць лячэнне. А 22-гадовы хлопец, які ехаў у салоне разам з імі, ад атрыманых траўмаў загінуў на месцы. Аддзел па расследванні злачынстваў супраць бяспекі руху і эксплуатацыі транспарту Ўпраўлення Следчага камітэту па Віцебскай вобласці шукае сведак здарэння і просіць іх звярнуцца ў кабінет № 608 ці патэлефанаваць па нумары 8(0212) 4620139.
