Аператыўная зводка за апошні дзень зімы і першыя дні вясны паведамляе пра крадзяжы, што адбыліся ў суседніх з Аршаншчынай рэгіёнах. У Сенненскім раёне дачнік упершыню з лістапада прыехаў на сваё лецішча і ўбачыў, што навясны замок на ягоным дачным доме сарваны, і з дома скрадзены пляшка гарэлкі, 6 кг цукру і 3 кг мёду. Агульная матэрыяльная шкода склала 49 рублёў.
Амаль такая ж гісторыя здарылася і ў Лёзненскім раёне. Пенсіянерка цэлую зіму не была на лецішчы, а калі прыехала туды, то ўбачыла, што навясны замок на доме сарваны, скрадзены прадукты харчавання і электраправодка. Матэрыяльная шкода склала 108,7 рублёў.
У абодвух выпадках пачатыя крымінальныя справы па частцы 2 артыкулу 205 Крымінальнага кодэксу Рэспублікі Беларусь.
