Рэгіён, Здарэнні

Пагражаў забіць бензапілой

09.03.2017 20:30

3524 прагляду, 1 каментар

У Дубровенскім раёне п'яны мужчына бензапілой ганяў па доме сям'ю.

Толькі па вялікай удачы ўдалося пазбегнуць буйной трагедыі ў Дубровенскім раёне. 26-гадовы механізатар прыйшоў дадому п'яны, заваліўся спаць на ложак не распрануўшыся. Жонка, старэйшая за мужа на 15 гадоў, вярнулася ад суседзяў і ўбачыла мужа ў такім стане. У доме былі і двое малых дзяцей. Падчас спрэчкі мужчына хапаў лыжкі і відэльцы, спрабуючы нанесці жонцы ўдар, але гэтыя спробы былі марныя. Тады мужчына дастаў бензапілу і напаў з ёй на жонку і дзяцей. Тыя хутка рэтыраваліся з дому, пакінуўшы п'янога бацьку аднаго. А той спакою дасягаць не хацеў, узяў і разрэзаў бензапілой кухонныя шопчыкі, мэблю, у тым ліку і канапу. Як паведамляе пракурор Дубровенскага раёну Міхаіл Пацееў, цяпер на мужчыну заведзена крымінальная справа, паводле якой яму пагражае да 2 гадоў турэмнага зняволення.