Зводка міліцыі паведамляе пра тры крадзяжы здзейсненыя ў сакавіку ў Сененскім раёне, якія вельмі падобны адзін на аднаго. Падабенства палягае ў тым, што ва ўсіх трох выпадках злачынца ці злачынцы кралі ўсялякую дробязь і ў кожным выпадку каб патрапіць у памяшканне быў пашкоджаны замок.
Першая заява паступіла 7 сакавіка. Паводле пацярпелага мужчыны, невядомы ў перыяд з 25 снежня па 7 сакавіка сарваў навясны замок сарая і скраў 10 металічных слупоў і 9 рулонаў сеткі рабіцы.
Другі крадзёж адбыўся ў перыяд з 4 па 13 сакавіка. Злачынца зламаў замок на дзвярах падвальнага памяшкання і скраў у пенсіянеркі 65 кілаграмаў бульбы ды розных кансерваў. Страты ацэненыя ў 97 рублёў.
ТРэці крадзёж арыентыровачна адбыўся з 10 па 14 сакавіка. Быў зламаны замок сарая, якія месціўся ў падвале дома і адтуль скрадзеныя харчы, набор шрубовак, малярны нож. Ва ўсіх трох выпадках злачынца не выяўлены.
Паводле зводкі УУС
