Праект па з'яўленні бясплатнага Wi-Fi на чыгуначных вакзалах краіны плануецца правесці ў 19 гарадах. Кропкі доступу з'явяцца ў калідорах і пачакальнях вакзалаў, у тым ліку і на чыгуначным вакзале Оршы. Каб карыстацца дармовым Wi-Fi, пасажыру неабходна будзе папросту ўвесці ў адмысловае поле свой нумар мабільнага тэлефона, на тэлефон прыйдзе СМС-паведамленне з паролем, які неабходна будзе ўставіць у адно з палёў для ўваходу ў Сеціва. Праект здзяйсняецца дзеля павышэння прывабнасці Беларусі для турыстаў. Яго сумесна з Беларускай чыгункай робіць кампанія МТС.
Плануецца, што бясплатны інтэрнэт на вакзалах з'явіцца, акрамя Оршы, у Менску, Маладзечне, Барысаве, Баранавічах, Лідзе, Гародні, Лунінцы, Берасці, Пінску, Гомелі, Жлобіне, Калінкавічах, Магілёве, Асіповічах, Бабруйску, Крычаве, Віцебску і Полацку.
