Орша, Грамадства

Стары маянэз, ускрыты тварог

21.03.2017 11:04

3807 праглядаў, 4 каментара

У краме "Сузор'е" ў раёне рэмзавода знойдзена нямала пратэрмінаванай прадукцыі.

Актывісты грамадскай арганізацыі "Хрушы супраць" правялі чарговы рэйд у Оршы. На гэты раз мэтай візіту стала крама "Сузор'е" на рэмзаводзе. На краму, як адзначаюць актывісты, паступала шмат скаргаў. Скаргі пацвердзіліся. У краме было знойдзена шмат "перабітых" датаў прыдатнасці прадуктаў, маянэзы, якія даўно павінны былі быць знятыя з прылаўка, некаторым таварам так "набавілі" тэрмін прыдатнасці, што такім штучным чынам "падоўжылі" прыдатнасць прадукту на паўгода наперад. Таксама прадаваліся ныркі з лёдам і ўскрытай упакоўкай, акрамя таго некаторыя упакоўкі з малочнай прадукцыяй былі пашкоджаныя і залепленыя налепкамі. Шэраг парушэнняў у краме "Сузор'е" зафіксаваны на відэа, якое "Хрушы супраць" апублікавалі ў інтэрнэце. Лозунг "Хрушаў" нязменны: "Хватит нас травить!"