У Оршы распачалося будаўніцтва новага гандлёвага цэнтра на скрыжаванні вуліцаў Партызанская і Молакава. Працы выконвае СТАА "Ривона". Як паведамляе сайт РУП "Віцебскэнерга", першы этап працы ўключае ў сябе расчыстку пляцоўкі пад будаўніцтва, прыборку ўсяго таго, што замінае праводзіць будаўнічыя работы. Асноўная частка дадзенай праграмы — вынас дзвюх апораў паветраных ліній 110 кілавольт ЛЭП "Орша-Паўночная - ЦЭЦ".
Хоць вынас рабіла падрадная арганізацыя, вывад ў рамонт, ажыццяўленне аператыўных пераключэнняў, забеспячэнне неабходных мераў бяспекі і каардынацыйныя функцыі ляглі на плечы энергетыкаў філіялу "Аршанскія электрычныя сеткі" РУП "Віцебскэнерга". Усе працы былі паспяхова скончаны 19 сакавіка.
