Сёння 25 красавіка ўсе праваслаўныя хрысціяне адзначаюць свята Раданіца, у які прынята ездзіць на могілкі, наведваць сваіх памерлых родных і блізкіх. Аўтобусны парк №3 г. Ворша ў сувязі з гэтым святам дадаў дадатковыя рэйсы да гарадскіх могілак, аднак іх відавочна не хапае. Прыпынкі прыгараднага транспарту запоўненыя людзьмі. Тым, хто не змяшчаецца ў адзін аўтобус - прыходзіцца чакаць наступнага. У саміх аўтобусах адбываюцца вялікія цісканіны. Многім людзям у сувязі з сітуацыяй, якая ўзнікла з грамадскім транспартам, даводзіцца карыстацца паслугамі таксі.
Карэспандэнт сайта [a href ="http://orsha.eu"]orsha.eu[/a] адправіўся на аўтобусе "Ворша - Чэрвiна" з цэнтра горада да прыпынку "Целянцеева", дзе знаходзіцца адно з самых буйных могілак нашага горада. Праезд па дадзеным маршруце каштуе 55 капеек, аднак у кандуктара вельмі хутка скончылася рэшта, і яна пачала акругляць кошт праезду ў большы бок:
- Нам 7 квіткоў калі ласка, колькі гэта будзе каштаваць?
- 4 рублі давайце.
- А рэшта?
- А дзе я вам зараз рэшту знайду?
З кожным прыпынкам у аўтобусе станавілася ўсё цясней і цясней. Кандуктар не самога благога целаскладу імкнулася прабіцца паміж людзьмі, балюча штурхаючы ўсіх рукамі і ўласным целам, што таксама выклікала масу пярэчанняў і нездаволенасцяў. Людзям тапталі ногі, заціскалі рукі, рвалі сумкі. Перададзеная кандуктарам рэшта з 10 рублёў да бабулі так і не дайшла - згубілася сярод людзей. З часам пасажыры пачалі гучна абурацца і спрачацца адзін з адным.
У сувязі з такой працай грамадскага транспарту, людзям без асабістага аўтамабіля, якія хацяць наведаць сваіх памерлых родных, даводзіцца перажываць проста нечалавечыя ўмовы.
На жаль, сёння гэта не адзінкавы выпадак. Абсалютна з такой жа сітуацыяй людзі сутыкнуліся і на зваротным шляху. Зноў забіты пасажырамі аўтобус, зноў абурэння і крыкі.
