Пенсіянерам і інвалідам для рэалізацыі сельскагаспадарчай прадукцыі агульнай вагой да 20 кг, вырашчанай на ўласным зямельным участку, выдзелены бясплатныя гандлёвыя месцы на цэнтральным рынку горада па адрасе: г. Орша, вул. Народная, а таксама на невялікім рынку ў першым мікрараёне па адрасе: г. Орша, вул. 60 год БССР. Такое пагадненне было заключана паміж Аршанскім райвыканкамам і кіраўніцтвам дзяржаўнага прадпрыемства "Рынак".
Інваліды і людзі пенсіённага ўзросту змогуць бясплатна гандляваць на рынках горада пры прад'яўленні імі дакументаў, якія пацвярджаюць льготу. Пагадненне аб прадастаўленні бясплатных гандлёвых месцаў дзейнічае з 17 красавіка і да канца гэтага года.
