Следствам устаноўлена, што ДТЗ адбылося 3 траўня каля 22.00 непадалёк ад вёскі Антонаўка Аршанскага раёна. 29-гадовы кіроўца Renault Meganе Scenic ехаў па трасе Віцебск - Гомель - мяжа Украіны ў напрамку Шклова і здзейсніў сутыкненне з рухаўшымся ў спадарожным напрамку грузавым аўтамабілем Volvo FH520, які перавозіў лесаматэрыялы. Ад моцнага ўдару легкавік выкінула ў кювет.
У выніку аварыі кіроўца легкавога аўтамабіля Renault ад атрыманых траўмаў памёр на месцы.
Па факце дарожна-транспартнага здарэння Аршанскім МАСК ўзбуджаная крымінальная справа па ч. 2 арт. 317 (парушэнне правілаў дарожнага руху або эксплуатацыі транспартных сродкаў, што пацягнула па неасцярожнасці смерць чалавека) Крымінальнага кодэкса Рэспублікі Беларусь.
Сьледчыя правялі агляд месца здарэння, прызначылі судова-медыцынскую і аўтатэхнічную экспертызы, дапыталі вадзіцеля грузавога аўтамабіля, устанаўліваюць абставіны аварыі.
