Мітынг распачаўся а 10-00 і прайшоў як і ў мінулым годзе: школьнікі стаялі з плакатамі "безсмяротнага палка", БРСМ падарыла кветкі ветэранам, якія сядзелі на асобных лаўках. Першым выступіў старшыня выканкаму, потым старшыня ветэранскай арганізацыі, другі год падзякаваўшы выканкаму і іншыя афіцыйныя асобы. Адрозненняў было мала: да мінімума зменьшылася колькасць георгіеўскіх стужак, над людзьмі лётаў квадракоптэр з камерай, пад час ускладання кветак гралі песні ваенных часоў (у мінулым годзе гучаў расійскі манархічны гімн) і ўпершыню за многія гады ва ўскладанні кветак удзельнічалі прадстаўнікі дэмакратычных арганізацый (гэта адна з дамоўленасцяў, якую атрымалася дасягнуць пад час дыялогу выканкаму з дэмакратамі).
Прапануем вашай увазе фотарэпартаж з мітынгу.
На фота: у цэнтры вянок ад дэмакратычных арганізацый рэгіёна (адзіны з подпісам на беларускай мове)
