Пакуль рыхтавалася і праводзілася выздное паседжанне прэзідыюма ўрада ў Оршы, міліцэйскія зводкі не паведамлялі ні пра адно здарэнне ў Оршы. Затое ў суседніх раёнах, як звычайна, адбываліся дробныя крадзяжы ды іншыя здарэнні.
Так, у Лёзненскім раёне за 19-е чысло зводкі МУС і УУС паведамілі пра два здарэнні: ноччу каля вёскі Дразды быў затрыманы жыхар гэтага раёна, які на сваёй машыне перавозіў 25 тон чорнага металу без адпаведных дакумантаў. А раніцай невядомы з прылаўка гандлёвага месца скраў у прадпрымальніка касметычку. Але ў ёй аказўалася не касметыка, а даволі прыстойная нажыва: два мабільных тэлефоны, 1.040 беларускіх рублёў і 8.000 рублёў расійскіх.
У ноч з 19-га на 20-е мая невядомы залез у незакрыты гараж у Сененскім раёне і скраў адтуль бензапілу ды аккумулятар.
А ў Талачынскім раёне ў першай палове дня 21-га чысла невядомы выставіў шкло ў вакне, залез у прыватны дом і скраў харчы на суму ўсяго ў 5 рублёў. Не зважаючы на малую суму стратаў, была заведзена крымінальная справа. Галодным злачынцам аказаўся 51-гадовы безпрацоўны раней судзімы мужчына.
Таксама нам стала вядома, што злачынцы, якія нядаўна ў двары па вуліцы Магілёўскай скралі ў аўтамабіля аўтамагнітолу былі знойдзены і затрыманыя. Імі аказаліся двое аршанскіх маладзёнаў.
