Ужо другі год у Оршы праводзілася вясёлае свята фарбаў "Холі", у якім кожны раз з задавальненнем прымаюць удзел як дзеці, так і дарослыя. У гарадскім дзіцячым парку ў добрай атмасферы і пад вясёлую музыку людзі ўзрывалі пакеты з фарбай, добраахвотна афарбоўваючы сябе, сяброў, а часам і незнаёмых людзей ва ўсе колеры вясёлкі. Падобная забава лічыцца абсалютна бяскрыўднай, бо яркія фарбы лёгка адсцірваюцца з адзення, прыбраць яе з твару і валасоў таксама праблем не складае.
Вытокі свята "Холі" ляжаць у Індыі, дзе падобным спосабам людзі адзначаюць прыход вясны. У славянскія краіны фестываль прыйшоў адносна нядаўна і носіць выключна забаўляльны характар без рэлігійнага альбо сэнсавага падтэксту.
Фота: Аляксей Пархоменка, Дзяніс Дубкоў.
