На гэтым тыдні зводкі МУС і УУС паведамлялі пра шэраг здарэнняў у нашым рэгіёне або з удзелам выхадцаў з Аршаншчыны. Каля вёскі Дворышча ў Крупскім раёне 26-га мая быў спынены аўтамабіль "ЗІЛ" на якім жыхар вёскі Канапельчыцы Талачынскага раёна нелегальна перавозіў 8,4 тоны чорнага металу.
Яшчэ адзін груз чоранага металу быў знойдзены ў вёсцы Раманаўка таксама Талачынскага раёна. 8,2 тоны металу ляжалі ў двары безпрацоўнага мясцовага жыхара.
У перыяд з 1 па 15 мая ў Сененскім раёне (населены пункт не ўдакладняецца) невядомы зламіў замок у кватэры і скраў электралябёдку, палівачны шланг, сабвуфер і рабалоўныя прылады. Страты ацэненыя ў 210 рублёў.
У перыяд з 4 студзеня (тады яна была ў кватэры апошні раз да крадзяжа) па 28 мая пенсіянерка ў Аршанскім раёне заўважыла, што нехта разбіў вакно на гаўбцы яе кватэры і вынес тэлевізар коштаў у 150 рублёў.
У іншым выпадку у Аршанскім раёне была абкрадзена лазня. Невядомы ў ноч з 30-га на 31-е мая невядомы адціснуў дзвеоы і скраў электрарухавік, іншы электраінструмант, пліткарэз і фарбы, якія знаходзіліся ў памяшканні лазні. Страты ацэненыя ў 647 рублёў.
З 8-га па 31-е мая (у міліцыю мужчына звярнуўся толькі 1 чэрвеня) невядомы сарваў навясны замок у дачным доме ў Лёзненскім раёне і скраў кампрэсар ды аккумулятар.
Зводка МУС за 1 чэрвеня паведамляе пра чарговую выяўленую ў Оршы фальшывую купюру. На гэты раз у нашым горадзе знайшлі купюру ў 500 еўра.
