Штогод Аршанская ЦЭЦ праводзіць гідраўлічныя выпрабаванні, прафілактыку і рамонт цеплавых сетак. Праз гэта па тыдні-два ў аршанскіх дамах адсутнічае гарачая вада. Пачалі прафілактыку з Барані. У горадзе гарачую ваду адключылі яшчэ ў траўні, а цяпер яна зноў з'явілася ў кранах. Чарга даходзіць да Оршы. Адключэнні закрануць увесь горад і зоймуць усё лета. Як жартуюць аршанцы, "добра мець сваякоў у іншых раёнах", каб можна было ездзіць да іх мыцца. Публікуем графік адключэнняў гарачае вады па Оршы:
з 05 па 19.06.2017 г. - мікрараёны: «Задняпроўе-1», «Задняпроўе-2», «Задняпроўе-3», «Задняпроўе-4», жылпасёлак «Мясакамбінат», жылпасёлак «Ільнокамбінат»;
з 10 па 12.07.2017 г. - мікрараёны: «Цэнтр», «Астроўскага», «Свярдлова», «Паўночны», аб'екты - ул.Пагранічная, 4, 16-а, 18, 20, вул.Савецкая, 25а, 27а , вул.Сацыялістычная, 2а;
з 10 па 24.07.2017 г. - мікрараёны: «Прывакзальны», «Чаромушкі» і «Ўсходні»;
з 07 па 21.08.2017 г. - мікрараёны: «Цэнтр», «Астроўскага», «Свярдлова» і «Паўночны».
