З больш чым 100 сяброў аршанскай арганізацыі прафсаюза радыёэлектроннай прамысловасці ды іншых галінаў гаспадаркі, крыху больш за 20 чалавек - гэта моладзь да 35 гадоў. Акрамя тых хто ўжо ўступіў у прафсаюз, на моладзевай сустрэчы былі і тыя хто яшчэ думаў пра ўступленне, або ўвогуле першы раз пачуў пра арганізацыю. Прысутнасць такіх людзей дала да колькасці сяброў прафсаюза яшчэ некалькі чалавек (увогуле аршанская аргнізацыя РЭП вельмі хутка расце).
Моладзевая прафсаюзная работа, у прынцыпе, адрозніваецца ад традыцыйнай сваёй спецыфікай. Так, моладзь гэта шэраг спецыфічных рабочых праблемаў - размеркаванне, пытанні вучобы (некаторыя маладыя сябры парфсаюза яшчэ вучацца), статус маладога спецыяліста, малы рабочы стаж і г.д. Ды і некаторыя іншыя метады работы - моладзь атрымлівае інфармацыю хутчэй з сацыяльных сетак, чым з прафсаюзнага бюлетэня, акрамя абароны рабочых правоў, моладзі патрэбны і "тусовачныя" мерапрыемствы - пра гэта ўсё і гаварылася ў нядзелю ў Оршы на моладзевай сустрэчы. Па выніках сходу быў створаны план работы з моладззю рэгіёна і вызначаны адказныя за гэтую дзейнасць.
