Звычайная справа калі кантралюючыя органы цікавяцца прадпрыемствамі з кепскімі паказчыкамі, але ў дадзеным выпадку дэпартамент фінансавых раследванняў зацікавіў поспех прадпрыемства - Аршанскі занальны цэнтар гігіены і эпідэміялогіібыў адным з найбольш высокадаходных. Даходы не здарма зацікавілі кантралёраў. Аказалася, за поспех санэпідэмстанцыі плацілі амаль усе аршанцы.
Загадчык аддзялення цэнтра гігіены і эпідэміялогіі прымушаў сваіх падначаленых складаць акты работаў з заведама хлусхлівымі дадзенымі: завышаліся памеры плошчаў і, адпаведна, колькасць расходных матэр'ялаў, а, значыць, і кошт аплаты паслугаў.
У выніку, Оршакамгас, які і быў кліентам арганізацыі, пераплочваў за траўленне пацукоў і насякомых. А, значыць, пераплочвалі і жыхары дамоў, якія карыстаюцца паслугамі камгасу. Агулам за 2014-2016 гады пераплата склала больш чым 193.000 новых рублёў. Грошы гэтыя паступалі, дарэчы, у прэміяльны фонд санстанцыі.
Камітэт дзяржкантролю завёў крымінальную справу па дадзеным факце. Вінаватым пагражае цяпер пазбаўленне волі на тэрмін ад 3 да 10 гадоў з пазбаўленнем права займаць асобныя пасады.
