Рэгіён, Здарэнні

Уратаванне ў Чырвонай Харкаўцы

12.08.2017 15:05

3024 прагляду, 0 каментароў

Пенсіянера з Оршы выцягнулі з вады пажарныя.

70-гадовы пенсіянер з Оршы ледзь не патануў у Дняпры, на яго шчасце побач апынуліся выратавальнікі, якія прыехалі на пажар. Разлік пажарных ужо завяршыў тушэнне будаўнічага смецця на тэрыторыі былога дзіцячага аздараўленчага летніка "Зорка" каля вёскі Чырвоная Харкаўка Аршанскага раёна, калі атрымаў паведамленне пра чалавека, які тануў у Дняпры. Дзякуючы таму, што пенсіянер купаўся літаральна за 100 метраў ад месца пажару, ратавальнікі паспелі дастаць яго з вады. Пажылы мужчына быў ужо без прытомнасці, але, калі яму аказалі першую дапамогу, прыйшоў у сябе. Пасля гэтага пажарныя перадалі пенсіянера брыгадзе хуткай медыцынскай дапамогі, паведамляе МНС Віцебска.