3 верасня ў 11 гадзін 40 хвілін у РАУС звярнулася намеснік дырэктара Таварыства з абмежаванай адказнасцю 1986 года нараджэння і паведаміла аб тым, што ў перыяд з 21 гадзіны 2 верасня да 11 гадзінаў 3 верасня неўсталяваны злачынца з лесвічнай пляцоўкі пад'езда дома па месцы жыхарства здзейсніў крадзеж ровара "Стэлс". Шкода 200 рублёў. Ўзбуджаная крымінальная справа па ч. 1 арт. 205 КК. Гэта ўжо не першы выпадак, калі велазлодзеі не баяцца красці двухколавых сяброў прама з пляцовак пад'ездаў і двароў прыватных дамоў. Перашкодай не становяцца не тое што стандартныя тросы, але нават і дадатковыя меры фіксацыі ровараў на месцы.
А 5 верасня ў міліцыю звярнулася жанчына таго ж ўзросту, непрацуючая, якая паведаміла, што за суткі з вечара 4-га верасня па вечар 5-га верасня нехта скраў яе горны ровар. Шкоду ў 215 рублёў. І, што цікава, гэты ровар таксама быў скрадзены прама з лесвічнай пляцоўкі. Ўзбуджаная крымінальная справа па ч. 1 арт. 205 КК.
Як бачым, велазлодзеі ў Оршы не баяцца красці ровары нават у месцах і падчас, дзе і калі іх могуць застаць на месцы злачынства. Па нашай інфармацыі, некаторыя велазлодзеі ў Оршы ў апошнія гады не грэбавалі красці нават старыя не зусім спраўныя ровары.
