Знаходкі ў нашым рэгіёне боепрыпасаў часоў Другой Сусветнай вайны не рэдкасць. Рэгулярна ў сезон земляных работаў небяспечныя знаходкі выяўляюцца і ў Аршанскім раёне і ў суседніх. Найчасцей рознага роду снарады вылазяць з зямлі ў Лёзненскім і Дубровенскім раёнах. А таксама каля трасы Віцебск-Орша. Але каб рэха вайны знаходзілася ў самім горадзе, які, здавалася б, перакапаны ўжо ўздоўж і поперак - гэта рэдкая з'ява.
Тым не меньш, раніцай у нядзелю 17 верасня ў прывакзальным раёне на маленькай вуліцы Шчорса (яна знаходзіцца паміж Молакава і Грыцаўца і злучае іх) пад час земляных работаў каля д. №19 былі знойдзены 35 артылерыйскіх снарадаў і 9 узрывацеляў да іх.
Дарэчы, за дзень да гэтага ў Віцебскім раёне было выяўлена адразу тры месцы з боепрыпасамі часоў вайны: каля вёскі Войтава, Масюкі і Шапуры.
Паводле зводкі УУС
