14 кастрычніка ў 19:58 адбыўся пажар прыватнага дома ў Чырвонагвардзейскім завулку ў Оршы, на якім загінула 21-гадовая жанчына. Пажарныя выратавалі яе 2-гадовую дачку і 50-гадовага бацьку. І дзяўчынка, і яе дзядуля атрымалі апёкі і атручванне прадуктамі гарэння, іх змясцілі ў бальніцу. Бацькі дзіцяці і бабулі на момант пажару ў доме не было. У другой палове дома пражывае шлюбная пара, у выніку пажару яны не пацярпелі.
Прычына ўзгарання высвятляецца, мяркуецца, што яно магло адбыцца з-за неасцярожнасці пры курэнні, паведамляецца ў суполцы "МНС Віцебск".
