Як толькі Ўладзімір Плыткевіч сыйшоў з пасады галоўнага ўрача раёна, з'явіліся чуткі пра тое, што на яго месца будзе прызначаны Аляксей Кароткі, які ўзначальваў медыцыну Дубровенскага раёна.
Гэта адзін з самых (калі не самы) малады галоўны ўрач раёна па краіне. Аляксею Васільевічу ўсяго 34 гады. Аршанцам ён можа быць знаёмы не толькі як урач з Дуброўна - некаторы час (каля 5 год) Аляксей працаваў і ў Оршы, хаця родам з Бранскай вобласці Расіі.
Людзміла Мечыславаўна Пятрова, якая ў прамежку паміж звальненнем Плыткевіча і прызначэннем Кароткага была выконваючым абавязкі галоўнага ўрача вярнулася на сваю пасаду і зноў стала намесніцай па медычным абслугоўванні.
А, вось, Дубровеншчыне некаторы час трэба будзе пажыць з выконваючым абавязкі - ім прызначана Алеся Ўладзіміраўна Тамашэвіч.
