Скрыжаванне вуліцаў Молакава і Дзяржынскага - адно са складанейшых скрыжаванняў горада. Тут шмат машынаў, пешаходаў, але скрыжаванне рэгулюецца толькі знакамі. Пры гэтым галоўная дарога паварочвае, патрапляючы адразу на пешаходны пераход, што з-за колькасці ўдзельнікаў руху не рэдка стварае чэргі машынаў, прымушае кіроўцаў нервавацца, рассейваць увагу. Гэта часта стварае аварыйныя сітуацыі, а калі-нікалі прыводзіць і да аварыяў.
27 траўня раніцай адбылася чарговая аварыя на гэтым скрыжаванні. Рэйсавы аўтобус заварочваў з Молакава на Дзяржынскага (на прывакзальную плошчу) і пад час павароту збіў пешахода, які выйшаў на пешаходны пераход. Для дапамогі пешаходу была выклікана хуткая дапамога, якая павезла чалавека ў бальніцу. Ужо пасля таго як пешаход быў дастаўлены ў Сямашку, на месцы здарэння з'явілася ДАІ. Увесь гэты час аўтобус не меў права з'язжаць з месца здарэння, што яшчэ больш ускланіла праезд гэтага скрыжавання.
