Энергетыкі аператыўна аднавілі электразабеспячэнне спажыўцоў, якія пацярпелі з-за неспрыяльных пагодных умоў.
На працягу папярэдніх сутак энергетыкі Віцебшчыны ў найскладанейшых умовах надвор'я ўхілялі тэхналагічныя парушэнні, выкліканыя разгулам стыхіі. Аператыўна было адноўлена электразабеспячэнне больш за 200 населеных пунктаў вобласці. Часовыя адключэнні назіраліся ў некаторых населеных пунктах Шумілінскага, Гарадоцкага, Віцебскага, Шаркаўшчынскага, Браслаўскага, Сенненскага, Дубровенскага, Полацкага і іншых раёнаў вобласці. Для паскарэння выканання работ быў прыцягнуты дадатковы персанал і тэхніка.
Асноўныя прычыны аварыйных адключэнняў-навальнічная дзейнасць і перавышэнне ветравых нагрузак, якое выклікала падзенне дрэў і іх галінак на правады ліній электраперадачы. Сёння персанал энергасістэмы па-ранейшаму знаходзіцца ў рэжыме павышанай гатоўнасці.
Паведамляе ВiцебскЭнерга.
