Традыцыйна дзень чыгуначнікаў адзначаецца ў першую нядзелю месяца. У гэтым годзе гэты выходны прыпадае на 4 жніўня. Для Оршы дзень чыгуначніка — адзін з самых масавых святаў з вельмі цікавай праграмай. Будзе і ў гэтым годзе на што паглядзець.

Пачнецца свята з 10 раніцы на пляцоўцы стадыёна «Лакаматыў» з канцэртавітання і канцэртная пляцоўка з рознымі выканаўцамі працягнецца да 17-30. паралельна а 10-30 на стадыёне распачнецца спартовае свята: пляжны валейбол, футбол, шашкі і шахматы, армрэслінг, більярд і г.д.

На пляцоўцы каля дома культуры чыгуначнікаў забаўляльная праграма распачнецца а 12-30 з інтэрактыўных шоў арыентаваных на дзяцей. А 15-00 святочная праграма закране і выпадковых гасцей горада — канцэрт распачнецца на самім вакзале.

Праграма будзе доўжыцца да 22-15 калі над стадыёнам пройдзе традыцыйна яскравы феерверк. Хто будзе выступаць на канцэрце арганізатары паведамляюць мала. Па нашай інфармацыі, у гэтым годзе акрамя самадзейнасці выступіць яшчэ і рок-гурт «Тарас на Парнасе», а яшчэ некаторыя калетывы з іншых гарадоў.

Паралельна будзе ісці гандаль харчамі і алкаголем, сувенірамі ды іншымі спадарожнымі таварамі.

У сувязі са святам ужо 3 жніўня пачнуць перагароджваць вуліцу Молакава ад вакзала да крамы «Флагман». Транспарт будзе ісіц ў аб’езд па вуліцы Заслонава і Ціміразева.