Сіноптыкі і даследчыкі клімату правялі аналіз і параўнанне тэмпературных паказчыкаў за ўсе гады і прыйшлі да высновы: у Беларусі, асабліва на Магілёўшчыне і Віцебшчыне 9-га верасня было пастаўлена адразу некалькі тэмпературных рэкордаў. Так горача ў гэты дзень не было яшчэ ніколі адразу ў шэрагу гарадоў. У Магілёве тэмпература паветра прагрэлася да 28,3 градуса, паведамляюць "Белнавіны". У Сянне тэмпература паветра склала 27,4 градуса, а мінулы рэкорд быў зафіксаваны ў 2005 годзе. Тады тэмпература складала 26,7 градуса. У Оршы слупкі тэрмометраў спыніліся на адзнацы 26,9 градуса цяпла.
У Горках зафіксавалі 27,7, а ў Касцюковічах паветра прагрэлася да 27,5. У Гомелі паветра прагрэлася да +28,8 градуса. Мінулы рэкорд быў зафіксаваны 20 гадоў таму - у 1999 году паветра прагрэлася да 28 градусаў. Самая цёплае надвор'е на тэрыторыі Беларусі ўсталявалася ў Васілевічах - 29,8 градуса цяпла па Цэльсіі.
