Орша, Грамадства

Камень у Роўным

11.09.2019 18:09

2179 праглядаў, 1 каментар

У цэнтры ўкраінскага Роўна з’явіўся «камень перапоны» у гонар 505-й гадавіны бітвы пад Оршай.

У цэнтры Роўна з’явіўся «камень перапоны» (укр.«Камінь спотикання») у гонар 505-й гадавіны бітвы пад Оршай. У 1514 князь Канстанцін Астрожскі, вялікі палкаводзец, герой беларускага, украінскага, літоўскага і польскага народаў разграміў маскоўскае войска, таму дзень 8 верасня назаўжды ўвайшоў у гісторыю. У 16 стагоддзі на месцы каля гандлёвага цэнтра «Злата Плаза» у Роўным была размешчана Ровенская ўязная брама. Праз яе Канстанцін Іванавіч з Астрога заязджаў у Роўна. Менавіта тут і з’явіўся памятны камень, паведамляюць «Рівненьскі новини».

Да 21 верасня на першым паверсе гандлёва-забаўляльнага цэнтра будзе стаяць фотазона-палатно (сучасная версія карціны «Перамога пад Оршай») і трон, які належаў князю. Тут таксама размешчана скрыня для збору сродкаў для рэстаўрацыі арыгіналу карціны. Карціна знаходзіцца ў музеі Роўнага. Застаецца толькі спадзявацца, што ў Оршы і ў Беларусі ў цэлым таксама будзе з’яўляцца ўсё больш напамінкаў пра вялікую бітву. У прыватнасці, не толькі на Крапівенскім полі, але і ў горадзе Оршы.