Группа оршанцев выступила с предложением запретить концерт скандального певца «русского шансона» Виктора Калины в нашем городе. В петиции, которая доступна к подписанию на сайте «Удобный город», указываются причины такого требования:
Афіцыйны сайт сьпевака так званага «шансону» Віктара Каліны пацьвердзіў чуткі, што хадзілі па Воршы, адносна канцэрту гэтага артыста ў нашым горадзе. Выступ запланаваны на 26 сакавіка 2020 года, імаверна, ў Гарадскім цэнтры культуры. У той жа момант мінулы канцэрт Каліны, які адбыўся ў 2017 годзе, па нашых дадзеных, не карыстаўся папулярнасьцю. На яго купілі квіткі толькі 160 аршанцаў. Гэта як мінімум сьведчыць пра незапатрабаванасьць творчасьці гэтага артыста ў Воршы. Мы, грамадзяне Беларусі, бачым вялікія праблемы і ў палітычных поглядах спадара Каліны. Ён неаднаразова наведваў акупаваныя землі суседняй Украіны і хваліўся гэтым, атрымоўваў узнагароды ад няпэўных баявых фармаваньняў, псеўдарэспублік «ДНР» і «ЛНР». Пазіраваў на фота са зброяй і ў форме ўзброеннай мілітарнай фармацыі. У той жа момант узброены канфлікт на ўсходзе Украіны пазбавіў жыцьця ўжо звыш 13 тысяч украінскіх патрыётаў, якія абаранялі сваю Радзіму ад чужых войскаў.
Лічым, што выступ В.Каліны ў горадзе Ворша немагчымы нават паводле дыпламатычных меркаванняў. Дыпламатычныя, бо падтрымліваючы акупацыю Крыма і частак Луганскай і Данецкай абласцей Украіны, ён, мяркуем, запярэчвае афіцыйную пазіцыю Міністэрства замежных спраў Рэспублікі Беларусь, якая вызнае тэрытарыяльную цэласнасьць суседняй Украіны.
Дадатковым фактарам зьяўляецца крайне нізкая папулярнасьць В.Каліны сярод аршанцаў. Выклікае пытаньні, ці абгрунтаваны канцэрт малапапулярнага сьпевака на галоўнай канцэртнай пляцоўцы горада Воршы? Думаем, у Воршы і Аршанскім раёне дастаткова нават уласных талентаў, а ў Беларусі хапае якасных і добра вядомых у нашым горадзе выканаўцаў, якія маглі б быць запрошаныя для выступу. Грунтуючыся на вышэйнапісаным, патрабуем забараніць канцэрт В.Каліны ў Воршы
