Орша, Политика

Выхад на волю

24.05.2020 16:40

2868 просмотров, 9 комментариев

25-га траўня каля 13-й гадзіны павінен выйсці на волю Міхаіл Чамурака.

З аршанскага ізалятара часовага ўтрымання ў панядзелак, 25-га траўня, павінен выйсці на волю палітычны актывіст з Дуброўны Міхаіл Чамурака. Міхаіла затрымалі дома ў Дуброўне каля 13-30. Здарылася гэта 13-га траўня, прычым затрымлівала Міхаіла адразу аршанская міліцыя і павезла ў суседні раён. Некалькі гадзін жонка шукала мужа, і толькі потым міліцыя прызналася, што Міхаіл затрыманы і знаходзіцца ў Оршы. Суд адбыўся неўзабаве, судзілі Чамураку за "кармленне галубоў" на цэнтральнай плошчы Оршы. Пры гэтым самой акцыі як такой не было. На плошчы сабраліся 10 чалавек, да іх падыйшоў міліцыянт, які папярэдзіў пра недапушчальнасць правядзення несанкцыянаваных акцыяў. Ніякіх лозунгаў не было, пасля кароткай дыскусіі з міліцыянтам прысутныя сыйшлі з плошчы і накіраваліся да помніка "Кацюшы", дзе ўсклалі кветкі і разыйшліся. Аднак суду гэта ніяк не перашкодзіла вынесці вырак — арышт на 12 сутак. Пасля выхаду на волю Міхаіл будзе вымушаны яшчэ і дабірацца да Дуброўны.