Афіцыйнай інфармацыі пра гэта мы атрымаць аніяк не можам, бо сайт чыгункі сёння таксама не працуе. Але сваю версію падзеяў выдалі "Кіберпартызаны", якія - здаецца - прызнаныя экстрэмісцкім фармаваннем. Паводле паведамленняў на іх старонках, гэта яны зрабілі атаку і на сайт чыгункі з-за чаго чыгунка не можа патлумачыць сітуацыю, і на унутраную сетку чыгункі з-за чаго цягнікі і спыніліся.

Як тлумачаць кіберпартызаны, гэта яны зрабілі, каб сарваць пастаўку ўзбраенняў ва Ўкраіну, якая ідзе пераважна чыгункай. Сапраўды атака на поўнач Украіны ідзе з тэрыторыі Беларусі, у тым ліку і ракетныя абстрээлы ды вылеты авіяцыі. Але як паказалі першыя дні вайны, аказалася, што расейская армія вельміамаль не мела паставак элементарных рэчаў. Напрыклад ежы, вады і паліва. У выніку у Чарнігаўскім накірунку быў выпадак калі танкавыя калоны спыняліся проста выкарыстаўшы ўсё паліва, не маючы магчымасці заправіцца.

Яўна, што Расея спадзявалася на бліц-крыг, які зараз поўнасцю разваліўся і не зможа пайсці другой хваляй калі цалкам спыніць гэтыя пастаўкі, што і паспрабавалі зрабіць кіберпартызаны.

Сёння ж адказнасць за атаку на шэраг дзяржаўных сайтаў узяла на сябе і адна з дзяржаўных арганізацый Украіны. Украінцы лагічна лічаць Беларускую дзяржаву - дзяржавай агрэсарам, бо з нашай тэрыторыі ідуць бамбардзіроўкі паўночнай часткі краіны і сухапутная атака на Чарнігаўскую вобласць.